Yosh Eko chempionlar

2024-yilda Markaziy Osiyo, Ozarbayjon, Turkiya va Vengriyadagi yoshlar ekologik ta'lim, yashil ko'nikmalar va yoshlarning iqlim kun tartibida ishtirokini oshirish bo'yicha tavsiyalarni ishlab chiqish uchun birlashdilar. Ushbu tavsiyalar "Barqaror rivojlanish madaniyatini ilgari surish va bolalar va yoshlarni iqlim kun tartibiga jalb qilish bo'yicha Xalqaro strategiyada" aks etgan. Strategiya 2024-yil 12-noyabrda COP29 doirasida yoshlar ishtirokida yuqori darajadagi tadbirda 8 ta turkiy va Markaziy Osiyo davlatlari tomonidan imzolanadi. Yoshlar tomonidan berilgan tavsiyalarga javoban Xalqaro Yoshlar Iqlim Faollari Tarmog'ini tashkil etish taklif qilinmoqda. Mintaqamizda yoshlar allaqachon iqlim harakatlarining oldingi safida turibdi. Ular ehtiros, g'oyalar va innovatsion yechimlar bilan chiqishmoqda. Ularning turli hayotiy tajribalari mavjud, ammo ularning umumiy maqsadi bitta: kelajak avlodlari uchun rivojlangan va barqaror dunyo yaratish.

Maqsadlar:

Xalqaro tarmoq 15-24 yoshdagi ekologik faollarni birlashtirib, ular birgalikda o‘rganish, rivojlanish va harakat qilish imkoniyatini yaratadi, bu bilan chegaralar bo‘lmagan iqlim o‘zgarishiga qarshi kurashishda haqiqiy transmilliy hamkorlikni namoyish etadi. Tarmoqning asosiy maqsadi — barqaror rivojlanish madaniyatini targ‘ib qilish va iqlim o‘zgarishiga qarshi moslashuv va yengillashtirish bo‘yicha milliy va xalqaro darajada tadbirlarni amalga oshirish. Yosh Iqlim Chempionlari o‘z tengdoshlariga va kichik bolalarga iqlim o‘zgarishi bo‘yicha xabardorlikni oshiradi, yoshlar uchun moslashtirilgan axborot va materiallar ishlab chiqishga hissa qo‘shadi, axborot kampaniyalarini o‘tkazadi va boshqa yoshlar ekologik tadbirlarida ishtirok etadi, shuningdek, milliy va xalqaro miqyosda tarafdorlik (advokatsiya) faoliyatida qatnashadi.

Volontyorlik dasturi quyidagi maqsadlarga erishishga yordam beradi:

• Iqlim o‘zgarishlari va iqlimga qarshi choralar haqida xabardorlikni oshirish, ayniqsa, bolalar va yoshlar orasida.
• Bolalar va yoshlar orasida barqaror rivojlanish uchun munosabat va xulq-atvorni o‘zgartirishni mustahkamlash.
• Yoshlarning iqlim o‘zgarishi, yengillashtirish, moslashuv va barqarorlik bilan bog‘liq sohalarda ishtirokini va fuqarolik faolligini oshirish.
• Yoshlarning iqlim bilan bog‘liq sohalarda o‘qishni va kasb-hunarni davom ettirishga qiziqishini oshirish.
• Yoshlar uchun iqlim bilan bog‘liq sohalarda amaliy bilimlar, ko‘nikmalar va dastlabki tajriba olish imkoniyatlarini oshirish.

Dastur qanday ishlaydi?

Xalqaro «Yosh Eko Chempionlar» tarmog‘i Youth Climate Envoys, Youth4Climate, BeGreen, BeSafe va boshqa milliy dasturlar doirasida sakkizta mamlakatdan ekologik faollarni birlashtiradi. Yoshlar o‘zlarining milliy maqsadlari va ustuvor yo‘nalishlariga muvofiq faoliyatlarini davom ettiradilar. Bundan tashqari, ular tajriba, resurslar va eng yaxshi amaliyotlar bilan almashish, mintaqaviy qo‘shma axborot kampaniyalarini o‘tkazish, onlayn va oflayn ekologik tashabbuslarni tashkil etishda hamkorlik qilishadi. Yosh Eko Chempionlar mintaqada iqlimga moslashuv va yengillashtirish choralari bo‘yicha tarafdorlik faoliyatida birlashadilar.

Eko-aktivistlar

54 Eko-chempionlar

10088 Eko-volontyorlar

Eko-chempionlar Eko-volontyorlar