"Eshitishni xohlayman!" loyihasi doirasida korreksion pedagogika bo‘yicha seminar bo‘lib o‘tdi
"Eshitishni xohlayman!" loyihasi doirasida IHMA va MMTV tizimidagi tashkilotlar rahbarlari, ixtisoslashtirilgan ta’lim muassasalarining uslubchi va defektologlari, Nizomiy nomidagi TDPU ilmiy xodimlari uchun Moskva shahri Ta’lim va fan departamentining Psixologiya-pedagogika markazi ekspertlari ishtirokida onlayn seminar bo‘lib o‘tdi.
Seminarda korreksion-rivojlantiruvchi ishlar tizimi, eshitishida nuqsoni bo‘lgan bolalarni o‘qitishning o‘ziga xos jihatlari, o‘quvchilarni nutq muhitiga jalb etish metodikasi muhokama qilindi. Tadbir ishtirokchilari ta’lim jarayonlarini yaxshilashga qaratilgan korreksion pedagogikaning eng yaxshi amaliyotlarini muhokama qilib, faol tajriba almashdilar.
